کولمبو(نیوزڈیسک)قومی ٹیم کے آل راو¿نڈر محمد حفیظ کا کہنا ہے کہ آئی سی سی چیمپیئنز ٹرافی میں 8 کے بجائے 9 ٹیمیں شامل ہونی چاہئیں۔محمدحفیظ کا مائیکرو بلاگنگ سائٹ ٹویٹر پر اپنے پیغام میں کہنا تھا کہ میری خواہش ہے کہ چیمپیئنز ٹرافی میں 8 کے بجائے 9 ٹیمیں شامل ہوں اور ٹورنامنٹ سنگل لیگ کی بنیاد میں کھیلا جائے۔ انھوں نے بنگال ٹائیگرز کی موجودہ پرفارمنس کو سراہتے ہوئے کہا کہ بنگلہ دیش کی حالیہ کارکردگی قابل تعریف ہے۔واضح رہے کہ آئی سی سی چیمپیئنز ٹرافی میں رینکنگ کے حساب سے پہلی 8 ٹیمیں شرکت کر سکتی ہیں اور اس بار چیمپیئنز ٹرافی 2017 میں انگلینڈ میں شیڈول ہے۔