ممبئی (مانیٹرنگ، این این آئی) بالی وڈ اداکارہ شلپا شیٹھی کے شوہر راج کندرا کے لیپ ٹاپ سے فحش فلمیں برآمد ہو گئیں، بھارتی میڈیا کے مطابق ممبئی پولیس کی کرائم برانچ

نے راج کندرا کے لیپ ٹاپ سے 68 فحش فلمیں برآمد کر لی ہیں، پولیس ذرائع کے مطابق ان کا کلاؤڈ اکاؤنٹ بھی ڈیلیٹ کر دیا گیا ہے، دوسری جانب بالی وڈ اداکارہ شلپا شیٹھی نے شوہر راج کندرا کے خلاف فحش فلموں کے اسکینڈل کی تحقیقات سے متعلق کہا ہے کہ وہ قانونی جنگ لڑ رہے ہیں، ان کے اہلخانہ اور بچوں کی پرائیویسی کا خیال رکھا جائے۔میڈیا رپورٹ کے مطابق راج کندرافحش فلموں کے سکینڈل میں پہلی بار اداکارہ شلپا شیٹھی نے کھل کروضاحت کی ہے، اداکارہ نے کہا کہ گزرے ہوئے دن ہرلحاظ سے ہمارے لیے بہت مشکل تھے، میڈیا پر اس کیس سے متعلق بہت سی افواہیں، تنقیدی پوسٹ اورالزامات گردش کررہے ہیں لیکن میں نے ابھی تک اس متعلق ایک لفظ بھی نہیں کہا اور نہ ہی میں اس پر کچھ کہوں گی۔اداکارہ نے کہا کہ معاملے پرتحقیقات ہورہی ہیں۔ اہل خانہ ہونے کے ناطے ہم قانونی جنگ لڑرہے ہیں۔اداکارہ نے مزید درخواست کی کہ ایک ماں ہونے کے ناطے یہ کہہ رہی ہوں میرا، میرے اہل خانہ اور بچوں کی پرائیوسی کا خیال رکھا جائے۔ فیصلہ عدالت کرے تو بہتر ہے۔ ہم میڈیا ٹرائل کے حقدارنہیں۔