اسلام آباد (مانیٹرنگ ڈیسک )قومی کرکٹ ٹیم فاسٹ بولر محمد عرفان نے کہا ہے کہ اس وقت میرا ایک ہی ہدف ہے کہ میں پاکستان کرکٹ ٹیم میں کم بیک کروں اور ٹی ٹوئنٹی ورلڈ کپ میں قومی اسکواڈ کا حصہ بنوں ۔انکا کہنا تھا کہ یہ میری خواہش ہے کہ میں ریٹائرمنٹ سے قبل قومی کرکٹ ٹیم کی طرف سے ٹی ٹوئنٹی ورلڈ کپ کھیلوں ۔ 7 فٹ ایک انچ قد و قامت کے مالک محمد عرفان نے آخری مرتبہ نومبر 2019 ء میں کینبرا میں قومی ٹیم کی آسٹریلیا کے خلاف نمائندگی کی جبکہ ستمبر 2016 ء میں انہوں نے اپنا آخری ون ڈے میچ لیڈز کے مقام پر انگلینڈ کے خلاف کھیلا تھا۔