کراچی (آن لائن)قومی ایئر لائن پی آئی اے کا اپنے ہم وطنوں کے لئے دوحہ کے لئے خصوصی پروازیں چلانے کا اعلان،ترجمان پی آئی اے کے مطابق خلیج کی ایئر لائنز کی جانب کرونا کی وجہ سے پاکستان کے لئے کم پروازیں ہونے کے سبب قومی ایئر لائن پی آئی اے نے اپنے ہم وطنوں کی سہو لت کے لئے اسلام آباد تا دوحہ اور واپسی کے لئے خصوصی پروازیں چلانے کا فیصلہ کیا ہے۔
پی آئی اے 5 جولائی اور 12 جولائی کو اسلام آباد سے دوحہ کے لئے دو خصوصی پروازیں چلائے گی۔دوحہ تا اسلام آباد کے لئے دو خصوصی پروازیں 6 جولائی اور 13 جولائی کو چلائی جائیں گی۔ترجمان نے کہا ہے کہ رش سے بچنے کیلئے مسافروں سے گزارش ہے کہ جلد از جلد اپنے سفر کے لئے بکنگ کروا لیں۔ ٹکٹس کی بکنگ اور فروخت پہلے آئیں اور پہلے پائیں کی بنیاد پر دستیاب ہونگے۔ دوسری جانب سول ایوی ایشن اتھارٹی نے کورونا ایس او پی کے تحت پاکستان آنے والیمسافروں کیلئے نیا ہدایت نامہ جاری کردیا، بھارت اور جنوبی افریقا سمیت کیٹگری سی میں شامل ممالک پر پابندی برقرار رہے گی۔ تفصیلات کے مطابق سی اے اے کی جانب سے پاکستان آنیوالے مسافروں کیلئے نیا ہدایت نامہ جاری کردیا گیا۔سی اے اے کی جانب سے جاری نوٹیفکیشن کے مطابق کیٹگری سی میں شامل ملکوں سیپاکستان کیلئے پروازوں پر پابندی برقرار رکھنے کا فیصلہ کیا گیا ہے۔ کیٹگری سی میں شامل ممالک سے صرف پاکستانی شہریت رکھنے والے مسافروں کو ہی پاکستان آنے کی اجازت ہوگی۔ کیٹگری سی میں شامل ممالک سے آنے والے پاکستانیوں کو پرواز سے 72 گھنٹے قبل کورونا ٹیسٹ کرانا لازمی ہوگا جبکہ پاکستان پہنچے پرایئر پورٹس پر ریپڈ اینٹیجن ٹیسٹ بھی کیا جائے گا۔سی اے اے کی جانب سے جاری ہوانیوالے نوٹیفکیشن کے مطابق بھارت، بنگلا دیش، انڈونیشیا،سری لنکا، جنوبی افریقا سمیت 26 ملکوں کو کیٹگری سی میں رکھا گیا ہے۔ سی اے اے کی نئی ٹریول ایڈوائزری 15 جولائی تک قابل عمل ہوگی۔
