کراچی (آن لائن)انٹر بینک میں روپے کے مقابلے ڈالر کی قدر ایک بار پھر157روپے کی بلند سطح پر جا پہنچی جبکہ مقامی اوپن کرنسی مارکیٹ میں بھی پاکستانی روپیہ دباؤ کا شکار رہا۔فاریکس ایسوسی ایشن آف پاکستان کی رپورٹ کے مطابق بدھ کو انٹر بینک میں روپے کے مقابلے

ڈالر کی قدر میں 30پیسے کا اضافہ ریکارڈکیا گیا جس سے ڈالرکی قیمت خرید 156.60روپے سے بڑھ کر156.90روپے اور قیمت فروخت156.70روپے سے بڑھ کر157روپے پر جا پہنچی اسی طرح مقامی اوپن کرنسی مارکیٹ میں ڈالر10پیسے مہنگا ہو گیا جس سے ڈالر کی قیمت خرید157روپے سے بڑھ کر157.10روپے اور قیمت فروخت157.40روپے سے بڑھ کر157.50روپے ہو گئی۔فاریکس رپورٹ کے مطابق یورو کی قدر میں 50پیسے کا اضافہ ہوا جس سے یورو کی قیمت خرید 189روپے سے بڑھ کر189.50روپے اور قیمت فروخت190.50روپے سے بڑھ کر191روپے ہو گئی جبکہ1روپے کے نمایاں اضافے سے برطانوی پونڈ کی قیمت خرید219.50روپے سے بڑھ کر220.50روپے اور قیمت فروخت221روپے سے بڑھ کر222روپے ہو گئی