لاہور( این این آئی)مسلم لیگ(ن) پنجاب کی ترجمان عظمیٰ بخاری نے کہا ہے کہ بشریٰ عمران بھی عوامی ٹیکس کے پیسوں سے اپنی تشہیر کرارہی ہیں،مریم نواز نوجوانوں کی خدمت کے جذبے سے کام کرے تو مسئلہ ہے،بشریٰ عمران نے باقاعدہ حکومتی پراجیکٹس کا
افتتاح کرنا شروع کردیا ہے۔اپنے بیان میںپہلے کہا جاتا تھا بشریٰ عمران غیر سیاسی ہیں۔مریم نواز کا یوتھ افیئر کی چیئر پرسن بننے کا سب سے زیادہ مسئلہ عمران نیازی کو ہوا تھا۔اب عمران نیازی بشریٰ بیگم کی ہمشیرہ کو ترقیاں دے رہے ہیں ۔مسلم لیگ(ن) پنجاب کی ترجمان عظمیٰ بخاری کا فردوس عاشق کی پریس کانفرنس پر ردعمل میں کہااب شوگر سکینڈل کی تحقیقات حکومتی سینیٹر کرینگے؟علی ظفر کیا ایف آئی اے اور نیب کے نمائندے ہیں جو جہانگیر ترین سے ملاقاتیں کرتے ہیں؟شوگر مافیا کیخلاف کاروائی کا فلاپ سین سب پر عیاں ہو چکا ہے۔عمران خان خود مافیا کی سرپرستی کرتے ہیں۔مافیا کا سرغنہ اپنے چیلوں کی انکوائری کیلئے بھی اپنے من پسند لوگوں کی ڈیوٹیاں لگاتا ہے۔دوہرے معیار کے احتساب نے تبدیلی کی ہنڈیا بیچ چوراہے توڑ دی ہے۔
