اسلام آباد(مانیٹرنگ ڈیسک )راولپنڈی اور اسلام آباد کےگردو نواح میں تیز ہوا کیسااتھ ہلکی ہلکی بارش شروع ہو گئی ہے ، پیر کے روز ملک کے بیشتر اضلاع میں موسم گرم اور خشک جبکہ وسطی اور زیریں اضلاع میں شدید گرم اور خشک رہے گا۔تاہم بالائی خیبر پختونخوا ،بالائی پنجاب،

گلگت بلتستان اور کشمیرمیں تیز ہواؤں اور گرج چمک کے ساتھ چند مقامات پر بارش کی توقع ہے۔ شدید گرمی کے باعث ملک کے میدانی علاقوں میں بعد از دوپہر گرد آلود ہوائیں /آندھی چلنے کا امکان ہے۔محکمہ موسمیات کے مطابق منگل کے روز ملک کے بیشتر اضلاع میں موسم گرم اور خشک جبکہ وسطی اور زیریں اضلاع میں شدید گرم اور خشک رہے گا۔تاہم بالائی خیبر پختونخوا ،شمال مشرقی پنجاب، خطہ ٔپوٹھوہار،گلگت بلتستان اور کشمیرمیں تیز ہواؤں اور گرج چمک کے ساتھ چند مقامات پر بارش کی توقع ہے۔ شدید گرمی کے باعث ملک کے میدانی علاقوں میں بعد از دوپہر گرد آلود ہوائیں /آندھی چلنے کا امکان ہے۔گذشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ سندھ، جنوبی پنجاب اور وسطی/جنوبی بلوچستان میں شدید گرم رہا۔ تاہم بالاکوٹ 06،بگروٹ بابوسر اورسکرنڈ میں 01 ملی میٹر بارش ریکارڈ کی گئی۔گزشتہ رو زیکارڈ کیے گئے زیادہ سے زیادہ درجہ حرارت:سبی 50، جیکب آباد، دادو، موہنجوداڑو ، لاڑکانہ 48،روہڑی ، پڈعیدن اور شہید بینظیر آبادمیں 47 ڈگری سینٹی گریڈریکارڈ کیا گیا۔