مانچسٹر (نیوز ڈیسک) اپنے ریٹائرڈ فوجی باپ کے 15ہزار پونڈ چرا کر عیاشیاں کرنے والی بیٹی کو منسہل سٹریٹ کرائون کورٹ نے 18ماہ کی معطل سزا سنا دی۔ سزا پر دو سال بعد عملدرآمد شروع ہوگا۔ استغاثہ کے مطابق 47سالہ کرن نے اپنے 82سالہ باپ کے ریٹائرمنٹ کے بعد ملنے والی رقم چرا کر پُرتعیش تعطیلات منائیں۔ کار کیلئے پرسنلائز نمبر پلیٹ حاصل کی۔ والد کی رقم چرا کر اس نے اپنے باپ کو اتنا قلاش کر دیا کہ وہ اپنی بیوی کی قبر کا کتبہ بنوانے سے بھی قاصر ہوگیا۔ اس کی چوری کا سراغ خود اس کے بھائی نے لگایا جس کے بعد اسے گرفتار کیا۔ کرن کے ریٹائرڈ والد تقریباً نابینا ہوچکے ہیں ملایا میں لڑائی کے دوران 1952ء میں ان کی ایک ٹانگ بھی ضائع ہوچکی ہے