واشنگٹن(نیوزڈیسک) امریکی سائنسدانوں نے اسٹیم سیلز سے دھڑتے ہوئے دل کے ٹشوز کو نشوونما دینے میں کامیابی حاصل کرلی ہے۔ اس سے حمل کے دوران محفوظ ادویات کے انتخاب میں مدد مل سکے گی۔کیلی فورنیا یونیورسٹی، برکلے کے ریسرچرز نے گلیڈ انسٹیٹیوٹ کے سائنسدانوں کے ساتھ مل کر اسٹیم سیلز سے دھڑکتے دل کے ٹشوز کے نمونے کی نشوونما کی ہے۔سائنسدانوں کا کہنا ہے کہ یہ نمونہ دل کی تیاری کے ابتدائی ماڈل کے طور پر کام کرے گا اور حمل کو محفوظ بنانے کے لیے دواں کی اسکریننگ کے ایک ذریعہ کے طور پر بھی کام کرے گا۔یہ تجربات نیچر کمیونیکیشن جرنل میں شایع ہوئے ہیں، جس کے مطابق ریسرچرز نے بایوکیمیکل اور بایوفزیکل ٹیکنالوجی کا استعمال کرتے ہوئے یہ ماڈل تیار کیا ہے۔کیلی فورنیا یونیورسٹی برکلے میں بایو انجینئرنگ کے پروفیسر کیون ہیلی کہتے ہیں کہ ہم سمجھتے ہیں کہ انسانی دل کے چیمبر کی تیاری کے عمل کی عکاسی کی یہ پہلی مثال ہے۔