بنوں (این این آ ئی) بنوں میں پر اسرار بیماری،بنوں شہر اور ملحقہ علاقہ جات میں لوگوں کے ناک سے خون بہنا شروع ہو گیا ملک بھر میں گزشتہ چند دنوں سے چلنے والی ہوائیں خون بہنے کی وجہ قرار دی جانے لگی جبکہ طبی ماہرین نے موسم کی اچانک تبدیلی کو ناک سے خون بہنے کی وجہ قرار ددیدی۔
اطلاعات کے مطابق گزشتہ کئی دنوں سے بنوں کے تقریبا ہر گھر میں دو سے تین لوگوں کے ناک سے پر اسرار طور پر خون بہنے کا سلسلہ شروع ہوا ہے جس کی وجہ سے لوگوں میں خوف و ہراس پیدا ہو گئی ہے اس سلسلے میں سوشل میڈیا پر بھی بحث جاری ہے کہ اکثر لوگوں کے ناک سے مختلف اوقات میں خون بہنا شروع ہو جاتا ہے تاہم اس سلسلے میں ای این ٹی اسپشلسٹ پروفیسر ڈاکٹر محمد اقبال نے بتایا ہے کہ ایسے بہت سارے لوگوں کو یہ مسئلہ درپیش ہوا ہے لیکن اس بات میں کوئی صداقت نہیں کہ ملک بھر میں چلنے والی تیز ہواووں سے خون بہہ رہا ہے بلکہ حال ہی میں موسم کی اچانک دہری تبدیلی کی وجہ سے یہ خون بہنے کاسلسلہ شروع ہوا ہے اور عموماً الرجی والے افراد متاثر ہو رہے ہیں اُنہوں نے کہا کہ سردی کی اچانک خاتمے اور پھر بارشوں سے دوبارہ اور گرمی کی ملن سے زیادہ تر الرجی کے شکار لوگوں کے ناک سے خون بہہ رہا ہے اُنہوں نے شہریوں کو مشورہ دیا ہے کہ وہ اس بیماری سے بچنے کیلئے مندرجہ ذیل حفاظتی تدابیر جس میں ویزلین،گھریلو تیل اور فیس ماسک کا استعمال لازمی کریں تاکہ موسم کی خشکی جسم پر اثر انداز نہ ہوں۔
