راولپنڈی(این این آئی)آرمی چیف جنرل قمر جاوید باجوہ نے بحرین کے دورے کے دوران بحرین کے کمانڈر اور سیکیورٹی ایڈوائزر سے ملاقاتیں کیں جس میں باہمی دلچسپی اور سیکیورٹی صورت حال پر بات چیت کی گئی۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے
بحرین کے دور ے کے دور ان بحرین کے نیشنل گارڈ کے کمانڈر فیلڈ مارشل محمد بن عیسیٰ ال خلیفہ اور بحرین کے سیکیورٹی ایڈوائزر میجر جنرل شیخ نصیر بن حماد ال خلیفہ سے ون آن ون ملاقاتیں کیں جس میں باہمی دلچسپی اور علاقائی سیکیورٹی کی صورتحال پر بات چیت کی گئی۔ آرمی چیف جنرل قمر جاوید باجوہ نے بحرین کو باہمی سیکیورٹی تعاون بالخصوص تربیت اور استعداد کار میں اضافے کیلئے مکمل تعاون کی پیشکش کی۔آئی ایس پی آر کے مطابق آرمی چیف جنرل قمر جاوید باجوہ نے بعدازاں افغان صورتحال کے حوالے سے کثیر الملکی وفود کی سطح پر ہونے والے مذاکرات میں بھی شرکت کی جس کے دوران افغان مفاہمتی عمل میں ہونے والی تازہ پیش رفت، بارڈر سکیورٹی کی صورتحال، فروغ امن کیلئے افغان قیادت میں افغان حل کیلئے اٹھائے گئے اقدامات پر غور کیا گیا۔ نجی ٹی وی کے مطابق ملاقات میں افغان نیشنل سیکیورٹی ایڈوائزر، افغان نیشنل آرمی کے سربراہ، ڈائریکٹر این ڈی ایس بھی موجود تھے جبکہ مذاکرات میں برطانوی چیف آف ڈیفنس، برطانوی ہائی کمشنر شریک ہوئے۔ آرمی چیف جنرل قمر جاوید باجوہ نے بحرین کے دورے کے دوران بحرین کے کمانڈر اور سیکیورٹی ایڈوائزر سے ملاقاتیں کیں جس میں باہمی دلچسپی اور سیکیورٹی صورت حال پر بات چیت کی گئی۔
