لاہور(نیوزڈیسک)گزشتہ مالی سال کے دوران ایک ارب 38کروڑ ڈالر منافع کی مد میں دیگر ممالک بھجوا دیا گیا جو ملک میں ہونے والی غیر ملکی سرمایہ کاری سے بھی زائد ہے ۔ سب سے زیادہ فنانشل بزنس کے شعبے سے منافع باہر منتقل کیا گیا ۔ا سٹیٹ بینک کے اعداد و شمار کے مطابق جولائی سے مئی کے دوران فنانشل بزنس کے شعبے سے ساڑھے 32کروڑ ڈالر کا سرمایہ دیگر ممالک منتقل کیا گیا ، ٹیلی کمیونیکیشن سے 18کروڑ 23لاکھ ڈالر ، تیل اور گیس کی تلاش کے شعبے سے 11کروڑ 85لاکھ ڈالر کا منافع دیگر ممالک بھیجا گیا ۔ توانائی کا شعبہ 11کروڑ 37لاکھ ڈالر کے ساتھ چوتھے نمبر پر رہا۔