کراچی(نیوزڈیسک)پاکستان ہاکی ٹیم کے کوچ شہناز شیخ نے ہاکی میں بدترین شکست کی رپورٹ تحقیقاتی کمیٹی کے سامنے پیش کردی،رپورٹ میں شکست کی بڑی وجہ مالی مسائل قرار دیا ہے۔پاکستان ہاکی ٹیم کے چیف کوچ شہناز شیخ نے وطن واپسی کے بعد 20صفحات پر مشتمل رپورٹ تیارکی اور آج تحقیقاتی کمیٹی کے سامنے پیش کردی۔رپورٹ میں ہاکی ٹیم کی شکست کی بڑی وجہ کھلاڑیوں کے مالی مسائل قرار دیا گیا،رپورٹ میں کہا گیا چیمپئنز ٹرافی میں سلور میڈل لینے کے بعد مسائل نے سر اٹھانا شروع کیا،کھلاڑیوں کی توجہ کھیل کے بجائے ڈیلی الاؤنس اور سینٹرل کنٹریکٹ کے پیسے نہ ملنے پر تھی۔رپورٹ میں تجویز دی گئی ہے کہ ہاکی کی بہتری کیلئے مثبت تبدیلی لائی جائے۔