اسلام آباد(نیوز ڈیسک)کرنسی اسمگلنگ کیس میں گرفتار ماڈل ایان علی کی درخواست ضمانت پر سماعت کے لیے لاہور ہائی کورٹ میں دو رکنی بنچ تشکیل دے دیا گیا ہے. تفصیلات کے مطابق لاہور ہائی کورٹ کے جسٹس انوار الحق اور جسٹس ارشد محمودتبسم پر مشتمل دو رکنی بنچ ماڈل ایان علی کی درخواست ضمانت پر آج سماعت کرے گا۔ گذشتہ روز جسٹس عبدالسمیع نے ایان علی کے وکیل کی درخواست سماعت کے لیے منظور کرتے ہوئے چیف جسٹس لاہور ہائی کورٹ سے کسٹم اپیلٹ بنچ کے فیصلے کے خلاف دو رکنی بینچ کے روبرو درخواست ضمانت بھجوانے کی سفارش کی تھی جسے منظور کر لیا گیا۔ ایان علی کے وکیل کا کہنا تھا کہ ایان علی کو اس کیس میں پھنسایا گیا ہے، مقدمہ جھوٹا اور بے بنیاد ہے، لہٰذا ضمانت منظور کی جائے۔