نیویارک(نیوزڈیسک) امریکا نے اگلے دو سال میں چالیس ہزار فوجیوں کی کمی کی منصوبہ بندی شروع کردی ۔ اخراجات کو کم کرنے کے لیے سترہ ہزار سویلین ملازمین کو فارغ کیا جائے گا ۔ امریکی اخبار کے مطابق دو ہزار سترہ تک امریکی فوجیوں کی تعداد ساڑھے چار لاکھ رہ جائے گی ۔ افغانستان اور عراق میں فوجی کارروائی کے عروج پر دو ہزار بارہ میں امریکی فوجیوں کی تعداد پانچ لاکھ ستر ہزار تھی ۔ فوجیوں میں کمی کے منصوبے پر عملدرآمد کے بعد امریکی فوجیوں کی کل تعداد انیس سو چالیس کے بعد سب سے کم سطح پر ہوگی ۔ دوسری جنگ عظیم میں شامل ہونے کے بعد امریکا نے دو لاکھ ستر ہزار فوجی بھرتی کیے تھے ۔