ممبئی(نیوز ڈیسک) بالی ووڈ اداکار سلمان خان اپنی فلم بجرنگی بھائی جان سب سے پہلے شاہ رخ خان اور سلمان خان کو دکھانا چاہتے ہیں اور اس مقصد کیلئے انہوں نے اپنی ٹیم کو انتظامات کی ہدایت کر دی ہے۔ سلمان خان اور کرینہ کپور کی فلم بجرنگی بھائی جان رواں سال ریلیز ہو رہی ہے۔ فلم کی پروموشن بھی سب سے پہلے شاہ رخ اور عامر خان نے ہی ٹوئٹر کے ذریعے کی تھی جس پر سلمان خان نے دونوں کا شکریہ ادا کیا تھا۔ اب سلمان خان نے شاہ رخ خان اور عامر کیلئے اپنی فلم کی خصوصی سکریننگ کا فیصلہ کیا ہے۔ اس مقصد کے لئے انہوں نے ٹیم کو ہدایت کر دی ہے اور امکان ہے کہ سلمان خان کے سٹوڈیو میں اس فلم کے انتظامات کئے جائیں گے۔ بالی ووڈ کے تینوں خان ہیروز کے درمیان ان دنوں خاصی دوستی چل رہی ہے۔ گزشتہ سال کے اختتام پر عامر خان نے بھی شاہ رخ اور سلمان کے لئے اپنی فلم پی کے کی خصوصی سکریننگ کی تھی ۔