اسلام آباد(این این آئی)شہد کی مکھیوں کی تحقیق سے وابستہ ماہرین نے کہا ہے کہ پاکستان میں شہد کی پیداوار میں 40 سے 50 فیصد کمی آگئی ہے۔تفصیلات کے مطابق ملک میں جنگلات کی کمی اور بڑھتے درجہ حرارت نے شہد کی مکھیوں کو بھی کافی نقصان پہنچایا مکھیوں کی تحقیق سے وابستہ ماہرین کے مطابق 2015 سے موسمیاتی تبدیلیوں نے شہد کی
مکھیوں کی بقا کو خطرے میں ڈال دیا ہے ، شہد کی پیداوار میں 40 سے 50 فیصد کمی بھی آگئی ہے۔ماہرین کا کہنا ہے کہ ملک میں جنگلات کی کمی اور بڑھتے درجہ حرارت نے زمین پر قدرت کی محافظ شہد کی مکھیوں کی تین اقسام کو کافی نقصان پہنچایا ہے۔ماہرین کے مطابق شہد کی مکھیوں کو سازگار ماحول فراہم کرنے کی ضرورت ہے تاکہ ملک میں دوبارہ سے شہد کی پیداوار کو بڑھایا جا سکے۔
