اسلام آباد، کراچی (مانیٹرنگ ڈیسک، این این آئی)کاروباری ہفتے کے پہلے روز انٹربینک مارکیٹ میں امریکی ڈالر کی قیمت میں 19پیسے اضافہ ہوا، سٹیٹ بینک کے ٹوئٹر پر جاری کردہ اعداد و شمار کے مطابق گزشتہ ہفتے کے اختتام پر انٹربینک مارکیٹ میں ڈالر 160.13روپے پر بند ہوا

جبکہ آج کاروبار کے اختتام پر ڈالر کی قیمت 160.32روپے رہی ۔ دریں اثنا گزشتہ ہفتے کے دوران سرکاری زرمبادلہ کے ذخائر میں31کروڑ6لاکھ ڈالرزکی کمی ہوگئی ۔اسٹیٹ بینک کے مطابق27نومبر کو مجموعی ذخائر کی مالیت20 ارب 55 کروڑ 24 لاکھ ڈالر کی سطح سے گھٹ کر 20 ارب 24 کروڑ 18 لاکھ ڈالر رہ گئے۔ گزشتہ ہفتہ کے دوران زرمبادلہ کے سرکاری ذخائر میں 30 کروڑ 46 لاکھ ڈالر کی کمی ہوگئی جس کے بعد زرمبادلہ کے سرکاری ذخائر 13 ارب 41 کروڑ 55 لاکھ ڈالر سے کم ہوکر13 ارب11 کروڑ9 لاکھ ڈالر کی سطح پر آگئے جبکہ کمرشل بینکوں کے پاس موجود ذخائر 60لاکھ ڈالرز کی کمی سے 7 ارب13کروڑ 9 لاکھ ڈالرز رہ گئے۔