اسلام آباد(مانیٹرنگ ڈیسک)اوپن مارکیٹ میں ٹماٹر کی خوردہ قیمت ڈبل سنچری 2سو روپے پر پہنچ گئی ۔جس کی وجہ ٹماٹر کی بارشوں سے فصل خراب ہونا ہے۔روزنامہ جنگ میں رفیق بشیر کی شائع خبر کے مطابق اس وقت 10 فیصد مقامی اور 90فیصد برآمد ٹماٹر فروخت ہورہا ہے۔

ملک ایران اور افغانستان سے ٹماٹر کی درآمد ہورہی ہے۔سبزی منڈی کے تاجر اور برآمد و برآمد وحید احمد نے بتایا کہ ٹماٹر کی قیمت میں اضافے کی وجہ ملک میں ٹماٹر کی پیداوار نہ ہونا ہے۔اسی سال ٹماٹر دس روپے کلو سے کم میں فروخت ہوا اور کاشت کاروں کو بھاری نقصان برداشت کرنا پڑا کیونکہ مقامی طورپر ٹماٹر کی فی کلو پیداواری قیمت 12 روپے ہے ۔جس کو مارکیٹ میں 20 روپے میں فروخت ہونا چاہیے۔حکومت کی جانب سے ٹماٹر کے کسی بھی فصل کی پیداوار کے اعداد و شمار نہیں ہیاور کمزور پرائس میکنزم کے باعث ٹماٹر کی قیمت 2سو روپے ہوئی ہے۔ان کا کہنا تھا کہ جنوری میں مقامی پیداوار مارکیٹ میں آنے کے بعد ٹماٹر کی قیمت مستحکم ہوگی۔