ممبئی (نیوز ڈیسک) ہالی ووڈ اداکار و معروف کامیڈین رسل برانڈ کو حالیہ دورہ بھارت مہنگا پڑ گیا اور ان کا قیمتی موبائل کسی جیب کترے کی ہاتھ کی صفائی کا شکار ہوگیا۔ رسل برانڈ کامیڈی سینٹرل چکلز فیسٹیول کے سلسلے میں ممبئی، نئی دہلی اور بنگلور میں پرفارم کرنے کیلئے آئے تھے۔ اس دورے کے دوران انہوں نے بھارتی جھونپڑ پٹیوں کا بھی دورہ کیا اور اسی دوران کسی جیب کترے نے اپنے ہاتھ کی صفائی دکھا دی۔ رسل برانڈ نے اس بارے میں بتایا ہے کہ انہیں اسی علاقے کے ایک فرد نے بتایا کہ وہ اپنے موبائل سے محروم ہوچکے ہیں۔ اسی دوران ایک بچہ ان کا موبائل واپس لے آیا۔ میں نے اس بچے کی مدد کرنے کی کوشش کی- تاہم اس بچے نے مدد قبول نہ کی ۔