لاہور (آن لائن)مسلم لیگ(ن) پنجاب کی ترجمان عظمیٰ بخاری کا ویڈیو بیان میں کہاہے کہ قاسم باغ اسٹیڈیم میں جلسہ نہ کرنے دیا تو پورا ملتان جلسہ گاہ بن جائے گا۔ملتان میں تمام ریاستی جبر اور غنڈہ گردی کا استعمال کیا جارہا ہے۔ملتان جلسے کو
روکنے کیلئے ریاستی مشنری کا استعمال کیا جارہا ہے۔حکومت جو مرضی کرلے ملتان کا جلسہ ہو کر رہے گا۔عمران خان ایک بزدل حکمران ہے۔عمران خان ہمیشہ اپوزیشن کو کنٹینر اور کھانے دینے کی آفرز کرتے رہے۔آج اپوزیشن کے جلسوں سے خوفزدہ ہیں۔دیمک زدہ تبدیلی پاکستان کا آٹا اور چینی کھا گئی ہے ۔پاکستان کی معیشت کو ان حالات پہنچادیا ہے کہ عام آدمی دووقت کی روٹی سے محروم ہو گیا ہے۔انہوں نے مزید کہااسد عمر کل سکھر میں ایک پروگرام سے خطاب کررہے تھے لیکن وہاں کورونا چھٹی پر چلا گیا۔سکھر سے جو کورونا ڈر کر بھاگا اب وہ ملتان میں پہنچ جائے گا۔حکومت کی منافق اور جھوٹ کی کوئی حد نہیں،خود سیمینار اور جلسے کررہے ہیں۔اپوزیشن کو جلسوں کی ممانعت ہے۔ہمارے سینکڑوں کارکنوں بہالنگر،ڈی جی ،ملتان سمیت کئی شہروں سے گرفتار کیا گیا ہے۔جیلیں،گرفتاریاں تحریک کیلئے ایندھن ثابت ہوتے ہیں۔حکومت کا کائونٹ ڈائون شروع اب ان کو گھر جانا ہوگا سامان پیک کریں۔
