اسلام آباد(نیوز ڈیسک)سعودی عرب کے شہر الجوف میں گھریلو تنازع پر ایک شخص نے نماز تراویح میں مصروف اپنے بھائی کو گولی مار دی اور خود فرار ہوگیا،پولیس نے ملزم کی تلاش شروع کردی۔عالمی میڈیا کے مطابق الجوف کے پولیس ترجمان کرنل ترکی المویشیر نے بتایا ہے رات دس بجے ایک مقامی مسجد میں نماز تراویح میں مصروف ایک شخص کو اس کے بھائی نے پستول سے گولی مار کر زخمی کردیا اور خود واردات کے بعد فرار ہوگیا۔ ترجمان نے بتایا کہ فائرنگ کا یہ واقعہ گھریلو تنازع کا شاخسانہ ہے۔ دونوں بھائیوں کی عمریں 40 اور50 سال کے درمیان ہیں۔ ملزم فائرنگ کے بعد فرار ہوگیا ہے تاہم پولیس نے اس کی تلاش شروع کردی