اسلام آباد(نیوز ڈیسک) یونان کی عوام نے یورپی یونین کی جانب سے بیل آوٹ پیکج کی سخت شرائط کو مسترد کردیا ہے۔غیر ملکی خبر ایجنسی کے مطابق گزشتہ روز بیل آو¿ٹ پیکج کے لئے ہونے والے ریفرنڈم میں ووٹوں کی گنتی مکمل ہو گئی ہے جس کے مطابق 61 فیصد عوام نے یونان کے لئے بیل آو¿ٹ پیکج کی سخت شرائط کو مسترد کردیا ہے۔ ریفرنڈم کے نتائج سامنے آنے کے بعد عوام کی بڑی تعداد سڑکوں پر نکل آئی اور بیل آو¿ٹ پیکج کی سخت شرائط مسترد ہونے پر ایک دوسرے کو مبارکباد دی۔دوسری جانب جرمن چانسلر انجیلا مرکل اور فرانس کے صدر ہولاندے کے درمیان ٹیلی فونک رابطہ ہوا جس میں یونان میں ریفرنڈم کے بعد کی صورت حال پر تبادلہ خیال کیا گیا
مزیدپڑھیے:امریکہ کو افغانستان میں شکست ہوگئی

، دونوں رہنماو¿ں نے یونان کے عوام کی جانب سے بیل آو¿ٹ پیکج کی شرائط کو مسترد کرنے کا احترام کرنے پر اتفاق کرتے ہوئے یوروزون کا ہنگامی اجلاس منگل کو بلانے کا فیصلہ کیا گیا، اجلاس میں ریفرنڈم کے بعد کی صورتحال پرغورکیاجائے گا۔