اسلام آباد(نیوز ڈ یسک) پاکستان میں پیٹرول کی قیمت میں تقریباً 100 روپے فی لیٹر اضافے کا امکان ہے جب کہ نئی قیمتوں کا اعلان آئندہ چند روز میں متوقع ہے۔

ذرائع کے مطابق وفاقی حکومت نے عالمی منڈی میں تیل کی بڑھتی ہوئی قیمتوں کا بوجھ عوام پر منتقل کرنے کا اصولی فیصلہ کیا ہے۔ وزیر خزانہ محمد اورنگزیب کی زیر صدارت اجلاس میں صوبوں کے ساتھ مشترکہ سبسڈی فریم ورک تیار کرنے پر اتفاق کیا گیا۔ رپورٹس کے مطابق درآمدی لاگت کے مقابلے پیٹرول اور ڈیزل کی قیمتوں میں نمایاں فرق ہے جسے مرحلہ وار صارفین تک پہنچانے پر غور کیا جا رہا ہے۔

نئی قیمتوں کا حتمی اعلان اوگرا کی سفارشات کے بعد کیا جائے گا۔ حکام کے مطابق غریبوں کو ریلیف دینے کے لیے ٹارگٹڈ سبسڈی اور دیگر اقدامات پر بھی غور کیا جا رہا ہے تاہم ماہرین نے خدشہ ظاہر کیا ہے کہ ڈیزل کی قیمتوں میں اضافے سے مہنگائی مزید بڑھ سکتی ہے۔