اسلام آباد(مانیٹرنگ ڈیسک)سٹیٹ بینک کے جاری کردہ اعداد و شمار کے مطابق رواں ہفتے کے تیسرے کاروباری روز کے دوران روپے کے مقابلے میں امریکی ڈالر مزید 39 پیسے سستا ہو گیا اور قیمت 163 روپے 87 پیسے سے کم ہو کر 163 روپے 48 پیسے ہو گئی ،یاد رہے کہ گزشتہ روز روپے کے مقابلے میں امریکی ڈالر 6 پیسے سستا ہوا تھا جس

کے بعد قیمت 163 روپے 87 پیسے کی سطح پر پہنچ گئی تھی۔واضح رہے بیرون ملک مقیم اوور سیز پاکستانیوں کی جانب سے بھیجی جانے والی ترسیلات زر میں مسلسل اضافہ دیکھنے کو مل رہا ہے، گزشتہ تین ماہ سے یہ رقم بڑھتی جا رہی ہے، جس کے اثرات ملکی روپے پر پڑھ رہے ہیں۔رواں مالی سال میں اب تک ڈالر 4 روپے 57 پیسے سستا ہوچکا ہے۔