ممبئی (نیوز ڈیسک)ماڈل اور اداکارہ بننے سے پہلے دپیکا نہایت چھوٹی عمر سے ہی اپنے والد کے نقش قدم پر چلتے ہوئے ایک ایتھلیٹ بننے کے لیے تریبت حاصل کر رہی تھیں۔ایسا معلوم ہوتاہے کہ”پیکو“کو بولی وڈ بگ بی امیتابھ بچن کے ساتھ اپنی جاندار اداکاری کے ذریعے کامیابی کی منازل پر پہنچانے والی دپیکا پڈوکون کوئی غلطی نہیں کرسکتیں۔ دپیکا نے انٹرویومیں بولی وڈ میں اپنے ابتدائی سفر کے حوالے سے کچھ حیرت انگیز انکشافات کیے ہیں۔16 سال کی عمر میں جب دپیکا نے شوبز میں قدم رکھنے کا فیصلہ کیا تو ا±س وقت ان کے پاس پیسے نہیں تھے، جس پر ا±ن کی والدہ نے انھیں پہلے فوٹو شوٹ کے لیے فوٹو گرافر کی خدمات حاصل کرنے کے لیے 10 ہزار روپے دیئے۔ ایک دوست نے ان کا میک اپ کیا اور انھوں نے اپنے ہی کپڑے پہن کر اپنا پہلا فوٹو شوٹ کروایا، اگرچہ فوٹو شوٹ کو پسند کیا گیا تاہم اب وہ سوچتی ہیں تو انھیں اپنی وہ تصاویر بالکل بے کار لگتی ہیں