لاہور ( نیوز ڈیسک) سینئر اداکارہ بندیا نے اداکارہ خوشبو کے بھائی اور بھتیجی اور اداکارہ ہما علی کی والدہ کے انتقال پر دکھ اور افسوس کا اظہار کرتے ہوئے کہا ہے کہ خدا مرحومین کو جنت الفردوس میں اعلیٰ مقام عطاءفرمائے اور لواحقین کو صبر دے ۔امریکہ سے صحافیوںسے خصوصی گفتگو کرتے ہوئے انہوں نے کہا کہ میں خوشبو اور ہما علی کے غم میں برابر کی شریک ہوں اور مجھے علم ہے کہ انہیں کس قدر گہرا صدمہ برداشت کرنا پڑا ۔ خوشبو کے بھائی اور بھتیجی کی ٹریفک حادثے میںہلاکت کی اطلاع امریکہ میں ملی ، میں فون کر کے ہما علی کی والدہ اور خوشبو کے بھائی اور بھتیجی کے انتقال پر ان سے تعزیت بھی کروں گی ۔