لاہور (نیوزڈیسک) پاکستان اور سری لنکا کے درمیان تین ٹیسٹ میچوں پر مشتمل سیریز کا تیسرا اور فیصلہ کن میچ کل پالی کیلے میں کھیلا جائے گا ، دونوں ٹیموں کے درمیان سیریز ایک ایک سے برابر ہے ۔ پاکستان اور سری لنکا کی ٹیمیں سیریز کے تیسرے ٹیسٹ میچ میں جمعہ کے روز پالی کیلے کے میدان میں اتریں گی ۔ اس سے قبل کھیلے گئے دوسرے ٹیسٹ میچ میں قومی ٹیم اطمینان بخش پرفارمنس دینے میں ناکام رہی اور میزبان ٹیم نے پاکستان کو 7 وکٹوں سے شکست دے کر سیریز کو ایک ایک سے برابر کیا ۔ شاہین سری لنکا کیخلاف تیسرے اور فیصلہ کن میچ میں کامیابی حاصل کرنے کا عزم لئے میدان میں اتریں گے جبکہ آئی لینڈرز ہوم گراؤنڈ کا فائدہ اٹھاتے ہوئے سیریز اپنے نام کرنے کی بھرپور کوشش کریں گے ۔ دونوں ٹیمیں تیسرے ٹیسٹ میچ میں کامیابی کیلئے پر امید ہیں ۔ میچ پاکستانی وقت کیمطابق صبح ساڑھے 9 بجے شروع ہو گا