لاہور( این این آئی)پاکستان انٹرنیشنل ائیر لائنز نے اندرون ملک کرایوں میں کمی کا اعلان کردیا ،کراچی، لاہور اور اسلام آباد کے درمیان  نیا پیکج متعارف کروادیا گیا۔ ترجمان کے مطابق20 کلو سامان کے ساتھ یکطرفہ کرایہ صرف 7 ہزار 4 سو روپے ہوگا جبکہ

دو طرفہ کرایہ 13 ہزار 5 سو مقرر کیا گیا ہے ۔ 35 کلو سامان کے ساتھ یکطرفہ کرایہ 8 ہزار 4 سو روپے جبکہ دو طرفہ کرایہ صرف 15 ہزار کر دیا گیا۔ ترجمان کے مطابق پر کشش کرایوں کے ذریعے لوگ سکولوں کے دوبارہ کھلنے سے پہلے سیر و تفریح کا موقع حاصل کرسکیں گے ،اندرون ملک کرائے فوری طور پر نافذ العمل ہوں گے۔