اسلا م آباد(مانیٹرنگ ڈیسک) رواں ہفتے کے تیسرے کاروباری روز فی تولہ سونے کی قیمت میں 2500روپے کی بڑی کمی ریکارڈ کی گئی۔میڈیا رپورٹس کے مطابق آج عالمی مارکیٹ میں فی اونس سونے کی قیمت میں 31 امریکی ڈالر کی کمی دیکھی گئی جس کے بعد عالمی مارکیٹ میں سونے کی نئی قیمت 1 ہزار 959 ڈالر ہو گئی ،بین الاقوامی مارکیٹ
میں فی اونس سونا سستا ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، کوئٹہ سمیت دیگر جگہوں پر فی تولہ سونے کی قیمت میں 2500 روپے کی کمی ریکارڈ کی گئی جس کے بعد سونے کی نئی قیمت ایک لاکھ 15 ہزار 200 روپے ہو گئی۔ دس گرام سونے کی قیمت میں بھی 2144 روپے کی کمی دیکھی گئی ۔
