ریاض (آن لائن) پولیس نے سکیورٹی اداروں کے یونیفارم تیار کرنے والے درزی کو غیر قانونی طور پر عسکری عہدوں کی علامتیں رکھنے کے الزام میں گرفتار کرلیا ۔قانون نافذ کرنے والے ادارے کی جانب سے جاری ویڈیو میں دکھایا گیا کہ ریاض کے علاقے میں تفتیشی ٹیم نے ایک
درزی کی دکان پر چھاپہ مارا جہاں عسکری اداروں کا یونیفارم تیار کیا جاتا تھا۔دکان کی تلاشی لینے پر وہاں خفیہ طور پر رکھے گئے عسکری اداروں میں مختلف عہدوں کے لیے استعمال ہونے والی علامتیں جن میں ’سٹارز‘ عسکری رتبوں کے ’فیتے‘ اور دیگر اہم اشیا رکھی گئی تھی۔تفتیشی ٹیم نے دکان سے برآمد ہونے والی تمام عسکری عہدوں کی علامات ضبط کرتے ہوئے دکان کو سیل کردیا۔ تفتیشی عہدیدار کا کہنا تھا کہ اس طرح کی عسکری عہدوں کی علامات بغیر سرکاری اجازت کے رکھنا قانونی طور پر جرم ہے۔غیر قانونی طورپر یونیفارم اور عسکری عہدوں کے نشانات فروخت کرنا جرم ہے جسے مجرمانہ کارروائی کے لیے بھی استعمال کیاجاسکتا ہے۔
