نئی دہلی (آن لائن) مقبوضہ کشمیر کے اصل باشندوں اور بھارت  سے نئے آباد کاروں کے مابین کسی تفریق کو دور کرنے کے لئے ،  نئی دہلی نے  ملازمت کے لئے درخواست دینے اور دوسرے فوائد حاصل کرنے کے نام پر  مستقل رہائشی سرٹیفکیٹ (پی آر سی) رکھنے

والوں کے لئے ڈومیسائل سند حاصل کرنا لازمی قرار دے دیا ہے۔ بھارتی خبر رساں ادارے کے مطابق بھارتی وزیر ڈاکٹر جتیندر سنگھ نے نئی دہلی میں  پریس کانفرنس کے دوران کہا کہ ، کچھ حلقوں میں کسی طرح یہ تاثر پیدا کیا جارہا ہے کہ PRC رکھنے والے افراد کو ڈومیسائل سرٹیفکیٹ کے لئے درخواست دینے کی ضرورت نہیں ہے اور انھیں “ایسی افواہوں سے گمراہ نہ ہونے” کے لئے کہا گیا ہے۔انہوں نے کہا ، جموں و کشمیر کے پی آر سی رکھنے والے نئے ڈومیسائل سند حاصل کرنے کے اہل ہیں۔ انہوں نے کہا  کہ اس تازہ ترین اقدام کا مقصد جموں و کشمیر کے اصل رہائشیوں اور ان لوگوں کے مابین کسی تفریق کو دور کرنا ہے۔