اسلام آباد(نیوز ڈیسک) لندن کے ایک گھر سے چھاپے کے دوران ملنے والی اسلحے کی فہرست حاصل کر لی گئی ۔ بھارتی روپے میں اسلحے کی قیمت اڑتیس لاکھ سے زائد تھی ۔ تفصیلات کے مطابق برطانوی پولیس نے لندن کے ایک مکان پر چھاپہ مارا جس سے اسلحے کی ایک فہرست ملی ۔ جس کے مطابق بھارت سے 50 اے کے 47رائفلز 12 لاکھ 50 ہزار ، مبینہ طور پر 50 دستی بم ،65 ہزار بھارتی روپے، 20 ڈیٹونیٹر بھارتی 24 ہزار میں جبکہ 5 سائلنسرز 75 ہزار میں خریدے گئے۔ فہرست میں 50 ہزار گولیوں کی خریداری 7 لاکھ واضح ہے۔ 5 رائفلز ٹیلی سکوپ کے ہمراہ 4 لاکھ 35 ہزار ، 10 آر پی جی راکٹ ، 2 لاکھ 50 ہزار ، 20 ٹی ٹی پستول،3 لاکھ 20 ہزار میں خریدی گئیں۔ فہرست میں شیلز، میگزینز اور دیگر ہتھیاروں کو بھی ذکر ہے۔ فہرست کے مطابق بھارتی روپے میں اسلحہ کی قیمت 38 لاکھ سے زائد کی ہے۔