واشنگٹن (این این آئی )امریکی صدر ڈونلڈ ٹرمپ نے قسم توڑ دی اور بالاآخر کورونا وائرس سے حفاظت کے لیے ماسک پہن ہی لیا۔میڈیارپورٹس کے مطابق امریکی صدر ٹرمپ نے پہلی بار چہرے پر ماسک پہن کر عوام کے سامنے اس
وقت اینٹری دی جب وہ میری لینڈ کے ملٹری اسپتال میں زیرِ علاج فوجیوں اور فرنٹ لائن طبی عملے سے ملاقاتیں کر رہے تھے۔عوام کو وبا سے بچاو کی ترغیب نہ دینے اور عوامی اجتماعات میں ماسک نہ پہننے پر امریکی صدر ٹرمپ شدید تنقید کی زد میں تھے۔
