نیویارک(آن لائن)بین الاقوامی خیراتی تنظیم آکسفم نے خبردار کیا ہے کہ رواں سال کے اختتام تک کووڈ 19 کے دوران غربت کی وجہ سے یومیہ 12 ہزار اموات ہوسکتی ہیں۔غیر ملکی خبر رساں ادارے کے مطابق آکسفم کی جانب سے جاری ہونے والی رپورٹ میں کہا گیا ہے کہ غربت سے ہونے والی اموات ممکنہ طور پر کورونا کی وباء سے ہونے والی اموات سے زیادہ ہوسکتی ہیں، غربت بڑھنے کی وجہ سے فوڈ اور مشروبات بنانے والی دنیا کی 8 بڑی کمپنیوں

نے اپنے شراکت داروں کو 18 ارب ڈالر کی ادائیگی کی ہے۔ رپورٹ کے مطابق اس وائرس کی وجہ سے بڑے پیمانے پر بے روزگاری، اشیائے خورد و نوش کی پیداوار اور رسد میں رکاوٹ پیداہونے سے معاشرتی اور معاشی خرابی کے نتیجے میں اس سال مزید 121 ملین افراد فاقہ کشی کا شکار ہوسکتے ہیں۔ رپورٹ میں خبردار کیا گیا ہے کہ اس سال کے اختتام تک کووڈ 19 کے دوران غربت کی وجہ سے یومیہ 12 ہزار اموات ہوسکتی ہیں۔