فیصل آباد (آن لائن )پنجاب میں رواں سال کے آخر تک غیر جماعتی بنیادوں پر بلدیاتی الیکشن کروانے کا فیصلہ کر لیا گیا ہے۔ اس حوالے سے متعلقہ اداروں کو تمام ضروری اقدامات کرنے کی ہدایات بھی جاری کر دی گئی ہیں۔ کے مطابق بلدیاتی انتخابات میں غیر جماعتی بنیادوں پر ہوں گے
تاہم سیاسی جماعتوں کے قائدین کی مشاورت سے ہی لائحہ عمل تیار کیا جائے گا۔ دوسری جانب پاکستان تحریک انصاف ‘پاکستان مسلم لیگ (ن)‘ پاکستان پیپلز پارٹی ‘ جماعت اسلامی سمیت تمام چھوٹی بڑی سیاسی اور مذہبی جماعتوں نے بلدیاتی انتخابات کے لئے پیپر ورک شروع کر دیا ہے اور لارڈ میئر ز ‘میئرز‘ چیئرمین ضلع کونسل‘ ٹائون کمیٹیوں کے چیئرمینوں کے الیکشن میں دلچسپی رکھنے والے امیدواروں کی فہرستیں بھی تیار کی جا رہی ہیں تمام سیاسی اور مذہبی جماعتوں نے خواہشمند امیدواروں کو پیغامات پہنچا دیئے ہیں کہ وہ آئندہ بلدیاتی الیکشن کے حوالے سے تیاریاں شروع کر دیں۔ ذرائع کے مطابق سمارٹ لاک ڈائون ختم ہونے کے ساتھ ہی بلدیاتی الیکشن کی سرگرمیاں شروع ہو جائیں گی۔
