بدھ‬‮ ، 18 فروری‬‮ 2026 

عمران فاروق قتل کیس،برطانوی ٹیم پاکستان پہنچ گئی

datetime 27  جون‬‮  2015 |

اسلام آباد(نیوزڈیسک)برطانوی پولیس افسران کی سات رکنی ٹیم لندن میں متحدہ قومی موومنٹ کے رہنما ڈاکٹر عمران فاروق قتل کیس کی تحقیقات کے سلسلے میں اسلام آباد پہنچ گئی، ٹیم پاکستانی حکام کی موجودگی میں تحقیقات سات روز میں مکمل کرے گی،برطانوی پولیس افسران کو عمران فاروق قتل کیس میں گرفتار ملزم معظم علی تک رسائی دی جائے گی،جبکہ دیگردوملزمان سے تفتیش کیلئے برطانوی پولیس کو علیحدہ درخواست دینی ہوگی۔بی بی سی کے مطابق سکیورٹی حکام نے بتایا ہے کہ برطانوی پولیس افسران کو عمران فاروق قتل کیس میں گرفتار صرف ایک ملزم معظم علی تک رسائی دی جائے گی۔سکیورٹی حکام کا کہنا ہے کہ اگر برطانوی ٹیم کو اس کیس میں گرفتار کیے گئے دیگر دو ملزمان سے انٹرویو کرنا ہے تو انھیں اپنے دورے کے دوران اس بارے میں علیحدہ سے درخواست دینا ہو گی۔حکام کا کہنا ہے کہ سات رکنی برطانوی ٹیم پاکستانی حکام کی موجودگی میں اپنی تحقیقات کرے گی اور یہ سات دن میں مکمل کی جائیں گی۔ گزشتہ دنوں وزیرداخلہ چودھری نثارعلی خان نے برطانوی پولیس کو ایک ملزم تک رسائی دینے کا اعلان کرتے ہوئے کہا تھا کہ یہ فیصلہ ہونا باقی ہے کہ ملزم سے تفتیش صرف برطانوی اہلکار کریں گے یا اس میں پاکستانی حکام بھی شریک ہوں گے۔چوہدری نثار نے ملزم کا نام تو نہیں لیا تھا تاہم ان کا کہنا تھا کہ اس شخص کو کراچی سے حراست میں لیا گیا تھا۔واضح رہے کہ رینجرز نے رواں برس اپریل میں کراچی سے معظم علی نامی شخص کو ایم کیو ایم کے صدر دفتر نائن زیرو کے قریب سے گرفتار کیا تھا اور اس وقت وزارت داخلہ نے کہا تھا وہ عمران فاروق قتل کیس کے مرکزی ملزم ہیں۔معظم علی پر الزام تھا کہ انھوں نے مبینہ طور پر ا ±ن دو افراد کو لندن بھجوایا تھا جن پر الزام ہے کہ ا ±نھوں نے ڈاکٹر عمران فاروق کو قتل کیا۔



کالم



وہ واقعہ جو کتاب میں نہیں


1999ء میں دو وزیراعظم ہانگ کانگ میں ایک ہی ہوٹل…

بخاریؒ کو امام بنانے والے لوگ

نویں صدی کا شہر بخاراتھا اور اس شہر میں ایک سادہ…

شوگر کے مریضوں کے لیے

گرو زاہد سے میرا رابطہ ایک ویڈیو کلپ سے ہوا تھا‘…

بسنت کے معاملے میں

یہ آج سے پندرہ برس پرانی بات ہے‘ میں اپنے بچوں…

بٹرفلائی افیکٹ

وہ دکان کے سامنے پریشان کھڑی تھی‘ اس کے بال الجھے…

آئل اینڈ سپیس وار

مجھے ایران میں مظاہروں کی پہلی اطلاع 31دسمبر 2025ء…

محبت تا ابد

وہ بے چارہ 1627ء تک غیر معروف اور نامعلوم تھا‘…

اصفہان میں دو دن

کاشان سے اصفہان کے لیے دو راستے ہیں‘ پہلا راستہ…

کاشان میں ایک دن

کاشان قم سے ڈیڑھ گھنٹے کی ڈرائیو پر واقع ہے‘…

قم میں آدھا دن

ہم تیسرے دن قم روانہ ہو گئے‘ قم تہران سے ڈیڑھ…

تہران میں کیا دیکھا (سوم)

مجھے امام خمینی کے تین مرلے کے گھر کے بعد شاہ…