ممبئی (نیوزڈیسک) بنگلہ دیش کیخلاف سیریز میں ناکامی ،ویرات کوہلی کے بیان سے بھارت کرکٹ دہل گئی،بھارتی ٹیم میں اختلافات ہرگزرتے دن کے ساتھ واضح ہوتے جارہے ہیں۔ ٹیم کی بنگلہ دیش کیخلاف سیریز میں حالیہ ناکامی کے بعد ٹیسٹ ٹیم کے کپتان کوہلی نے بنگلہ دیش کیخلاف ناکامی کی وجہ ون ڈے کپتان دھونی کو قرار دے ڈالا ہے جس کے بعد امکان ہے کہ اب دھونی کیمپ سے عنقریب جوابی حملہ کیا جائے گا۔ کوہلی نے اپنے بیان میں اگرچہ کسی بھی کھلاڑی کا نام نہیں لیا ہے تاہم انہوں نے کہا کہ بنگلہ دیش نے بہت اچھی کرکٹ کھیلی اور ایمانداری کی بات یہ ہے کہ ہم فیصلہ سازی کرتے ہوئے ابہام کا شکار تھے اور یہ فیلڈ میں صاف دکھائی دے رہا تھا کہ کھلاڑیوں کو گیم پلان کے بارے میں کچھ معلوم نہیں ہے۔ انہوں نے کہاکہ ہمیں بنگلہ دیش کو ان کی کارکردگی کا کریڈٹ دینا چاہئے لیکن ہم نے جس ذہن کے ساتھ پہلے دو میچ کھیلے، اس میں ہمارے ذہن میں کوئی واضح گیم پلان نہ تھا۔ یہ بالکل واضح دکھائی دے رہا تھا اور اگر میں یہ نہ کہوں تو بھی سب کو صاف دکھائی دے رہا تھا۔ کوہلی نے اس موقع پر ڈریسنگ روم کے ماحول کو پہلے جیسا ہی قرار دیا تاہم ان کا بیان یہ بتانے کو کافی ہے کہ ڈریسنگ روم میں سب کچھ پہلے جیسا نہیں ہے