کراچی (نیوزڈیسک) عمران فاروق قتل کیس کے گرفتار ملزم خالد شمیم نے انکشاف کےا ہے کہ عمران فاروق کے قتل کی منصوبہ بندی لندن میں کی گئی، قتل کےلئے لندن سے براہ راست ہدایات ملتی تھیں، حماد صدیقی کے کہنے پر محسن اور کاشف سے ملاقات کی۔ جمعرات کو چمن سے گرفتار ہونے والے عمران فاروق قتل کیس کے ملزم خالد شمیم سے حساس اداروں نے تفتیش کی، جس میں انہوں نے انکشاف کیا ہے کہ ڈاکٹر عمران فاروق کے قتل کی ساری منصوبہ بندی لندن میں کی گئی اور اس کےلئے وہاں سے براہ رات ہدایات ملتی تھیں ، حماد صدیقی کے کہنے پر محسن اور کاشف سے ملاقات کی وہ مجھے روزانہ لندن سے کال کرتے تھے، قتل کے بعد محسن اور کاشف سے ملاقات کی وہ مجھے روزانہ لندن سے کال کرتے تھے، قتل کے بعد محسن اور کاشف سے ملنے سری لنکا بھی گیا، محسن جامعہ کراچی اسٹاف کالونی اور کاشف لانڈھی کا رہائشی تھا،اس نے کہا کہ عمران فاروق کے قتل کے بعد معظم علی کا بلیک بیری فون ضائع کر دیا۔