لاہور، اسلام آباد (این این آئی) ڈپٹی سپیکر پنجاب اسمبلی دوست محمد مزاری کا کرونا ٹیسٹ مثبت آگیا۔ڈپٹی سپیکر دوست محمد مزاری نے خود کو اپنی رہائشگاہ پر سیلف ائسولیٹ کرلیا۔ ڈپٹی سپیکر دوست محمد مزاری کاکہنا ہے کہ کوئی علامات بظاہر نہیں ہے مگر ٹیسٹ کروانے پر ٹیسٹ مثبت آیا ۔ڈپٹی سپیکر 28 اپریل کو دبئی سے واپس وطن پہنچے تھے ۔دبئی سے واپس پہنچ کر کرونا ٹیسٹ نجی لیب سے کرایا تھے جس کے نیگیٹئو آنے پر قرنطینہ سے گھر روانہ ہوگئے تھے۔دریں اثناوزیراعظم عمران خان نے
اسپیکر قومی اسمبلی اسد قیصر کو ٹیلیفون کر کے ان صحت سے متعلق خیریت دریافت کی۔اتوار وزیراعظم نے ٹیلیفونک رابطے کے دور ان اسپیکر اسد قیصر کیلئے نیک تمنائوں کا اظہاراور ان کی کی جلد صحت یابی کی دعا کی ،وزیر اعظم نے اسپیکر سے ان کے بچوں کی صحت کے بارے میں بھی پوچھا۔اسپیکر نے نیک تمناؤں پر وزیر اعظم کا شکریہ ادا کیا ۔ اسد قیصر نے بتایاکہ میری صحت پہلے سے بہتر ہو رہی ہے،صحت بہتر ہونے پر اللہ تعالی کا شکر گزار ہوں،امید ہے چند دنوں میں مکمل صحت یاب ہو جائیں گے۔
