کولمبو(نیوزڈیسک) پاکستان ٹیسٹ ٹیم کے کپتان مصباح الحق نے کہا ہے کہ سری لنکا کےخلاف کولمبو ٹیسٹ مےں بہتر کارکردگی کےلئے کھلاڑےوں کو پہلے مےچ کو بھلانا ہو گا ، کولمبو کی وکٹ سپنرز کے ساتھ ساتھ فاسٹ باﺅلرز کےلئے مدد گار دکھائی دے رہی ہے ، جیت کےلئے تمام کھلاڑیوں کو پہلے ٹیسٹ کی کارکردگی کو برقرار رکھنا ہوگا ۔ وہ بدھ کو کولمبو میں پریس کانفرنس سے خطاب کر رہے تھے ۔ مصباح الحق نے کہا کہ کھلاڑی دوسرے ٹےسٹ مےچ اور سےرےز مےں فتح کےلئے پر عزم ہےں،ےاسر شاہ اور ذوالفقار بابر آئی لےنڈرز کے لئے سر پرائز ثابت ہوئے۔ انہوں نے کہا کہ گالے ٹیسٹ جیتنے کے بعد تمام کھلاڑی پراعتماد ہیں ، پہلے ٹیسٹ کی کامیابی کو بھلا کر کولمبو ٹیسٹ کےلئے میدان مٰں اترنا ہوگا ۔ انہوں نے کہا کہ کھلاڑیوں کے مثبت اعتماد کی وجہ سے ، سیریز میں آگے چل کر فائدہ ہوگا ۔ مصباح الحق نے کہا کہ کولمبو کی وکٹ سپنرز کے ساتھ ساتھ فاسٹ باﺅلرز کےلئے بھی مدد گار دکھائی دے رہی ہے ۔ امید ہے کہ یاسر شاہ کی طرح ذوالفقار بابر بھی عمدہ پرفارمنس دیں گے مصباح الحق نے کہا کہ یونس خان کا 100 وں ٹیسٹ میچ کھلینا ایک بہت بڑا کارنامہ ہے ۔ یونس خان پاکستان کی بٹینگ میں ریڑھ کی ہڈی کی حثیت رکھتے ہیں