میادین (نیوزڈیسک) داعش نے 2 نوجوانوں کو پھانسی دیدی ، عسکریت پسند گروپ دولت اسلامیہ کے مطابق دونوں نوجوان روزے کے اوقات کے دوران کھاتے ہوئے گرفتار کئے گئے تھے ۔
غیر ملکی میڈیا کے مطابق داعش نے شام کے شہر میادین کے صوبے دیر الزور میں 2 نوجوانوں کو ہسبہ ہیڈکوارٹر کے قریب پھانسی دیدی ، دونوں لڑکوں کی عمر 18 سال سے کم تھی ۔
داعش نے رمضان المبارک کے دوران کھانے کے جرم میں 2 لڑکوں کو مرکزی چوک پر پھانسی دی، عینی شاہدین کے مطابق دونوں لڑکوں کی لاشیں شام تک چوک پر لٹکتی رہی ، کسی کو بھی لاشوں کے پاس جانے کی اجازت نہیں تھی۔
شام اور عراق کے مختلف علاقے دولت اسلامیہ کے قبضے میں ہیں، جہاں انہوں نے ایک خود ساختہ خلافت کا نظام قائم کیا ہوا ہے، جہاں وہ معمولی معمولی باتوں پر لوگوں کے سر قلم کرنے اور کوڑے مارنے سے بھی گریز نہیں کرتے ہیں ۔