ہری پور(نیوزڈیسک) این اے 19ہری پورمیں سپریم کورٹ کی طرف سے دیئے جانے والے فیصلے کے بعد دوبارہ الیکشن میں ریحام خان کوامیدوارلائے جانے کاامکان ہے ۔تحریک انصاف کے سربراہ عمران خان کواس بات کاقوی یقین ہے کہ وہ اس حلقے نہ صرف ان جی جماعت جیت جائے گی بلکہ ان اہلیہ کوقومی اسمبلی میں لانے میں بھی آسانی ہوگی ۔واضح رہے کہ اس حلقے سے مسل ملیگ(ن) کے عمرایوب کوسپریم کورٹ کے احکامات کے بعد اس حلقے کی نشت سے ہٹایاگیاہے تاہم ابھی الیکشن کمیش نے اس حلقے کے لئے پولنگ کے شیڈول کااعلان کرناہے کہ کب دوبارہ اس حلقے میں انتخابات کرائے جائیں۔عمرا ن خان یہ چاہتے ہیں کہ ان اہلیہ بھی تحریک انصاف میں کوئی سیاسی کرداراداکریں جبکہ ان کی جماعت نے بھی اس معاملے میں ریحام خان کومکمل سپورٹ کرنے کی یقین دھانی کرائی ہے ۔ذرائع کے مطابق ریحام خان کواین اے 19میں عمرایوب میں مقابلے میں لایاجائے گاجبکہ اس سے قبل 2013کے انتخابات میں اس حلقے سے تحریک انصاف کے امیدوارراجہ امیرزمان کوپارٹی میں اہم عہدہ دے دیاجائے گا۔