اسلام آباد (این این آئی) پاکستان مسلم لیگ (ن) کی ترجمان مریم اورنگزیب نے وزیراعظم عمران خان کے خطاب پر ردعمل کا اظہار کرتے ہوئے کہا ہے کہ عمران صاحب یہ باتوں کا نہیں عمل کا وقت ہے،یہ وقت قوم کو شکوک وشبہات میں ڈالنے کا نہیں، واضح سوچ سے فیصلے کرنے کا ہے۔ ایک بیان انہوں نے کہاکہ عمران صاحب ذاتیات کی سیاست سے اوپر اٹھنا ہوگا،عمران صاحب آپ کو حالات کی سنگینی اورشدت کا شاید ادراک و احساس نہیں۔ انہوں نے کہاکہ عمران صاحب عوام سے خطاب میں
حکومت کا کوئی حکمت عملی، پلان یا پروگرام بتائیں۔ انہوں نے کہاکہ اگر لاک ڈاؤن کرنا ہے تو اس کے لئے کیا حکمت عملی ہوگی، وہ بتائیں کرفیو اور لاک ڈاؤن کا فرق بتانے سے کام نہیں چلے گا۔ انہوں نے کہاکہ عمران صاحب مشکل وقت کے لئے خود کو اور حکومت کو تیار کریں۔ انہوں نے کہاکہ عمران صاحب سب کچھ قوم کے ذمے ڈال کرآپ اپنی ذمہ داریوں سے سبکدوش نہیں ہوسکتے۔ انہوں نے کہاکہ عمران صاحب وزیراعظم آپ ہیں، اپنی ذمہ داریوں کے بارے میں آپ سوچیں ہے۔
