تہران (آن لائن)ایران کے سپریم لیڈر زکا انتخاب کرنے والی مجلس کے رکن آیت اللّٰہ ہاشم باتھائی کورونا وائرس کے باعث انتقال کر گئے ہیں۔غیر ملکی خبر رساں ادارے کے مطابق آیت اللّٰہ ہاشم باتھائی عالمی وبا خطرناک کورونا وائرس سے متاثر تھے، آیت اللّٰہ ہاشم ایران کے سپریم لیڈر کا انتخاب کرنے والی مجلس کے رکن تھے۔

رپورٹ کے مطابق 78 سالہ آیت اللّٰہ ہاشم میں 2 روز قبل وائرس کی تصدیق ہوئی تھی، آیت اللّٰہ ہاشم باتھائی کے انتقال کے بعد ایران میں کورونا وائرس کے باعث حکومتی عہدیداروں کی اموات کی تعداد 12 ہوگئی ہے۔ رپورٹ کے مطابق ایران میں کورونا وائرس سے 724 متاثرین کی اموات رپورٹ کی جاچکی ہیں۔

موضوعات:آیت اللّٰہ ہاشم باتھائی