نیویارک(این این آئی)کورونا وائرس سے پیدا ہونے والی کووڈ انیس بیماری کے دنیا بھر میں مریضوں کی تعداد ایک لاکھ دس ہزار سے بڑھ گئی ہے۔میڈیارپورٹس کے مطابق اس بیماری سے ہونے والی ہلاکتیں تین ہزار آٹھ سو سے تجاوز کر گئی ہیں۔ صرف چین میں ہونے والی ہلاکتیں تین ہزار ایک سو انیس ہیں۔ چین میں اس وبا کے نئے
مریضوں کی تعداد میں مسلسل کمی آتی جا رہی ہے۔ ایسی ہی صورت حال جنوبی کوریا میں دیکھی گئی ہے۔ وہاں بھی اس وبا کے مریضوں میں کمی ہو رہی ہے۔ اس وقت یورپی ممالک میں اس وبا میں مسلسل اضافہ ہو رہا ہے۔ جرمنی میں اس مرض میں مبتلا مریضوں کی تعداد نو سو دو ہے جبکہ انتیس فروری کو ایسے مریض چھیاسٹھ تھے۔
