اسلام آباد (مانیٹرنگ ڈیسک)پاکستان نے پہلی بڑی کامیابی سمیٹ لی ، کرونا وائرس کا شکار پہلا مریض صحت یا ب ہو گیا ۔ تفصیلات کے مطابق وزیراعلی سندھ مراد علی شاہ نے خوشخبری سناتے ہوئے بتایا ہے کہ کرونا وائرس سے متاثرہ نوجوان صحت یاب ہو گیا ہے ۔ میڈیا بریفنگ کے دوران ان کا کہنا تھا کہ صحت یاب ہونےو الے نوجوان کو کل شامل ڈسچارج کر دیا جائے گا۔ انہوں نے صحت پانے والے
مریض کے اہلخانہ کو مبارکباد بھی پیش کی ہے ۔ دوسری جانب کرونا وائرس کا چھٹا مریض بھی سامنے آچکا ہے اور اس سے متعلق ٹریول ہسٹری بھی سامنے آچکی ہے ۔تاہم وزیراعظم عمران خان کے معاون خصوصی برائے صحت ڈاکٹر ظفر مرزا نے کہا ہے کہ پاکستان کے چاروں ہمسایہ ممالک میں کرونا وائرس کے کیسز موجود ہیں ، کرونا وائرس سے نمٹنے کیلئے بہترین اقدامات کیے جارہے ہیں ۔
