اسلام آباد (این این آئی)وزیر اعظم اور کابینہ نے وزیر قانون فروغ نسیم کی پرفارمنس پر اظہار اطمینان کیا ہے ۔ منگل کو وفاقی کابینہ کااجلاس وزیر اعظم عمران خان کی زیر صدارت ہوا جس میں وزیر اعظم اور کابینہ اراکین نے وزیر قانون فروغ نسیم کی پرفارمنس پر اظہار اطمینان کیا ۔
کابینہ نے وزیر قانون کو مکمل حمایت کا یقین دلایا اور قانون اور آئین کے پیرامیٹرز میں رہ کر کئے جانے والی تمام کوششوں ں کو سراہا۔دوسری جانبوزیر اعظم کی زیر صدارت اجلاس میں وفاقی کابینہ کا 11 نکاتی ایجنڈا منظور کرلیا گیا۔ منگل کو وفاقی کابینہ کو بجلی کے بلوں پر بریفنگ دی گئی ،کابینہ نے صدر مملکت عارف علوی نے اسلحہ لائسنس کے اجراء کی منظوری دیدی ،وفاقی وزارت داخلہ نے معاملہ وفاقی کابینہ کو بھجوایا تھا،احساس پروگرام میں پارلیمنٹرینز کی شمولیت کی بھی منظوری دی گئی ۔ اجلاس میں آڈٹ آور سائٹ بورڈ کے ممبران کے استعفیٰ اور نئے ممبران کی تقرری کی منظوری کی گئی ،ایگزم بینک کے ڈائریکٹرز آن بورڈ کی تقرری کی منظوری دی گئی ۔پاکستان نیشنل ایجوکیشن پلان 2020 بھی منظور کرلیا گیا ،اسلام آباد کراچی، ملتان میں کثیر المنزلہ عمارتوں کا معاملہ زیر غور آیا ۔اجلسا میں پاکستان کمشنر فار انڈس واٹر کی تقرری کی منظوری دی گئی ،دیامر بھاشا ڈیم کے لیے واپڈا سکیورٹی فورس کو ممنوعہ بور ہتھیار کی اجازت دی گئی ۔نیشنل سیکورٹی ڈویژن کے رولز میں ترمیم کی منظوری دسی گئی ،اسلام آباد میں انسداد منشیات کی خصوصی عدالت کے جج کی منظور ی دی گئی ۔
