لاہور(این این آئی)علاج کی غرض سے لندن میں مقیم سابق وزیراعظم محمد نواز شریف کی فیملی کے ہمراہ ہوٹل میں موجودگی کی تصویر سوشل میڈیا پر وائرل ہونے کے بعد وفاقی حکومت کی ہدایت پر صوبائی وزیر صحت ڈاکٹر یاسمین راشد نے ذاتی معالج ڈاکٹر عدنان سے نواز شریف کے علاج کی تفصیلات طلب کرلی ہیں۔میڈیا رپورٹس میں ذرائع کے حوالے سے بتایا گیا ہے کہ ڈاکٹر یاسمین راشد کی
جانب سے نواز شریف کے ذاتی معالج ڈاکٹر عدنان سے رابطہ کر کے ان سے نواز شریف کے علاج بارے میں تفصیلات طلب کی گئی ہیں اور کہا گیا ہے کہ ان کی تازہ ترین میڈیکل رپورٹس حکومت پنجاب کو بھجوائی جائیں۔ پنجاب حکومت نے نواز شریف کی جانب سے علاج کے لئے بیرون ملک قیام میں توسیع کے لئے پہلے سے موصول ہونے والی درخواست پر تاحال کوئی فیصلہ نہیں کیا۔
