اسلام آباد (این این آئی) پاکستان نے فیٹف کے سوالنامے کا 38 صفحات پر مشتمل تفصیلی جواب بھجوادیا۔ ذرائع کے مطابق پاکستان نے فیٹف کے سوالنامے کا تفصیلی جواب بھجوادیاہے۔ ذرائع کے مطابق حکومت نے فنانشل ایکشن ٹاسک فورس ایکشن پلان پر عملدرآمد بارے 163 سوالات کے جواب دیئے ہیں،

فیٹف سوالنامے پر پاکستانی جواب 38 صفحات پر مشتمل ہے۔تفصیلی جوابی رپورٹ میں فیٹف کے اٹھائے گئے 27 نکات کا احاطہ کیا گیا ہے۔ ذرائع کے مطابق فنانشل ایکشن ٹاسک فورس ایکشن پلان کے ایشیاء پیسفک گروپ کا اجلاس 21 جنوری سے بیجنگ میں شروع ہوگا۔ذرائع کے مطابق پاکستان کی عملدرآمد رپورٹ کی روشنی میں گرے لسٹ سے نام ہٹانے پر پیش رفت ہوسکے گی۔ ذرائع کے مطابق پاکستان کی رپورٹ کے ہمراہ قانون سازی، پالیسی سازی اور عملدرآمد سے متعلق نوٹیفکیشن بھی منسلک ہیں، اینٹی ٹیرر فنانسنگ پر دی گئی سزاؤں کی تفصیلات بھی اس جوابی رپورٹ میں شامل ہے۔ ذرائع کے مطابق فیٹف کی شرائط پر عملدرآمد بارے تازہ پیشرفت سے بھی آگاہ کیا گیا ہے،رپورٹ کے مطابق پاکستان نے میوچل لیگل اسسٹنٹ کے قانون میں ترامیم بارے اہم پیشرفت کی ہے۔ ذرائع کے مطابق پارلیمنٹ کی قائمہ کمیٹی برائے خزانہ میوچل لیگل اسسٹنٹ ترمیمی بل سمیت منی لانڈرنگ اور ٹیرر فنانسنگ کی روک تھام کے قوانین میں ترامیم کی منظوری دے چکی ہے۔ ذرائع کے مطابق منی لانڈرنگ میں ملوث افراد سزا دس سال، 50 لاکھ جرمانہ کی سزائیں دی جائیں گی۔سعودی عرب میں منی لانڈرنگ کی 10 سال قید اور 50 لاکھ ریال کی سزا مقرر ہے۔ ذرائع کے مطابق ہانگ کانگ میں منی لانڈرنگ کی پانچ لاکھ ڈالر کی سزا مقرر ہے۔